కొత్త పల్సర్‌ ఎన్‌250ఎస్‌ఎస్‌ విడుదల.. ధర ఎంతంటే?

ప్రముఖ ద్విచక్ర వాహన తయారీ సంస్థ బజాజ్‌ ఆటో కొత్త పల్సర్‌ ఎన్‌250ఎస్‌ఎస్‌ (Pulsar N250SS) మోడల్‌ను మార్కెట్‌లోకి విడుదల చేసింది. ఈ బైక్‌ ఎక్స్‌షోరూమ్‌ ధరను రూ.1,59,406గా నిర్ణయించింది. ప్రస్తుతం మార్కెట్‌లో ఉన్న పల్సర్‌ ఎన్‌250కు అప్‌గ్రేడ్‌ వెర్షన్‌గా దీన్ని తీసుకొచ్చింది. స్పోర్టీ లుక్‌ను కొనసాగిస్తూ కొత్త గ్రాఫిక్స్‌, ఆధునిక ఫీచర్లను జోడించింది. ఇందులో 249 సీసీ ఎయిర్‌ అండ్‌ ఆయిల్‌ కూల్డ్‌ ఇంజిన్‌ ఉండగా, ఇది 25 హెచ్‌పీ పవర్‌, 22 ఎన్‌ఎం టార్క్‌ను ఉత్పత్తి చేస్తుంది. పాత మోడల్‌లోని 6-స్పీడ్‌ గేర్‌బాక్స్‌ స్థానంలో కొత్త బైక్‌కు 5-స్పీడ్‌ గేర్‌బాక్స్‌ ఇచ్చారు.

కొత్త పల్సర్‌ ఎన్‌250ఎస్‌ఎస్‌లో ఎలక్ట్రానిక్‌ థ్రోటల్‌ బాడీతో పాటు, ఎల్‌సీడీ స్థానంలో 5 అంగుళాల టీఎఫ్‌టీ డిస్‌ప్లేను ఏర్పాటు చేశారు. గూగుల్‌ మ్యాప్స్‌ మిర్రరింగ్‌, ల్యాప్‌ టైమర్‌, వెహికల్‌ స్టోరేజ్‌ వంటి ఫీచర్లు ఉన్నాయి. అడ్జస్టబుల్‌ లీవర్స్‌, యూఎస్‌బీ టైప్‌-సి ఛార్జింగ్‌ పోర్ట్‌, హజార్డ్‌ స్విచ్‌, పానిక్‌ బ్రేక్‌ అలర్ట్‌ వంటి సదుపాయాలనూ అందించారు. పాత ఎన్‌250తో పోలిస్తే దీని ధర సుమారు రూ.14 వేలు ఎక్కువ. మార్కెట్‌లో ఈ బైక్‌ హీరో ఎక్స్‌ట్రీమ్‌ 250ఆర్‌, సుజుకీ జిక్సర్‌ 250 మోడళ్లతో పోటీపడనుంది.