హ్యుందాయ్‌ బేయాన్‌ విడుదల.. ఆకట్టుకునే ఫీచర్లతో కొత్త ఎస్‌యూవీ

హ్యుందాయ్‌ మోటార్‌ ఇండియా మిడ్‌సైజ్‌ ఎస్‌యూవీ విభాగంలో బేయాన్‌ మోడల్‌ను విడుదల చేసింది. ఈ కారు ప్రారంభ ఎక్స్‌షోరూమ్‌ ధరను రూ.9.99 లక్షలుగా నిర్ణయించింది. ఆసక్తి ఉన్నవారు హ్యుందాయ్‌ అధికారిక వెబ్‌సైట్‌ లేదా అధీకృత డీలర్‌షిప్‌ల ద్వారా రూ.11,000 చెల్లించి బుక్‌ చేసుకోవచ్చు. ఈ మోడల్‌ మార్కెట్లో మారుతీ సుజుకీ విక్టోరిస్‌తో పోటీ పడనుంది. బేయాన్‌ పొడవు 4,245 మి.మీ., వెడల్పు 1,810 మి.మీ., వీల్‌బేస్‌ 2,600 మి.మీ. కాగా, గ్రౌండ్‌ క్లియరెన్స్‌ 205 మి.మీ.గా ఉంది. స్ప్లిట్‌ హెడ్‌ల్యాంప్‌లు, సన్నని ఎల్‌ఈడీ డీఆర్‌ఎల్‌లు, పెటల్‌ డిజైన్‌ అల్లాయ్‌ వీల్స్‌తో పాటు 505 లీటర్ల బూట్‌ స్పేస్‌ను అందించారు.

ఇంటీరియర్‌లో 12.3 అంగుళాల రెండు డిస్‌ప్లేలు ఉండగా, ఒకటి ఇన్‌స్ట్రుమెంట్‌ క్లస్టర్‌కు, మరొకటి ఇన్ఫోటైన్‌మెంట్‌ సిస్టమ్‌కు కేటాయించారు. జనరేటివ్‌ ఏఐ వాయిస్‌ అసిస్టెంట్‌, 70కి పైగా కనెక్టెడ్‌ ఫీచర్లతో కూడిన హ్యుందాయ్‌ బ్లూలింక్‌ సదుపాయాలు ఇందులో ఉన్నాయి. 1.5 లీటర్‌ నాలుగు సిలిండర్ల నేచురల్‌ ఆస్పిరేటెడ్‌ పెట్రోల్‌ ఇంజిన్‌ 115 బీహెచ్‌పీ పవర్‌, 144 ఎన్‌ఎం టార్క్‌ను ఉత్పత్తి చేస్తుంది. ఆరు స్పీడ్‌ మాన్యువల్‌, ఐవీటీ, సీవీటీ ట్రాన్స్‌మిషన్‌ ఆప్షన్లు అందుబాటులో ఉన్నాయి. సీవీటీ వేరియంట్‌ లీటరుకు 18.6 కిలోమీటర్ల మైలేజీ ఇస్తుందని కంపెనీ తెలిపింది. ఎకో, నార్మల్‌, స్పోర్ట్‌ డ్రైవ్‌ మోడ్‌లతో పాటు ఆరు ఎయిర్‌బ్యాగులు, ఎలక్ట్రానిక్‌ స్టెబిలిటీ కంట్రోల్‌, లెవల్‌ 2 ప్రో ఏడీఏఎస్‌ వంటి భద్రతా ఫీచర్లు ఉన్నాయి.