వడ్డీ రేట్లు యాద తదం - ఆర్బీఐ

జూన్ 5, 2026న జరిగిన ద్రవ్య విధాన కమిటీ (ఎంపీసీ) సమావేశంలో భారతీయ రిజర్వ్ బ్యాంక్ (ఆర్బీఐ) రెపో రేటును 5.25 శాతం వద్ద యథాతథంగా కొనసాగించాలని నిర్ణయించింది. ప్రస్తుత పరిస్థితుల్లో వడ్డీ రేట్లలో ఎలాంటి మార్పులు చేయకుండా కొనసాగించాలనే నిర్ణయానికి ఎంపీసీ ఏకగ్రీవంగా మద్దతు తెలిపింది. అలాగే భవిష్యత్ ఆర్థిక పరిస్థితులు, గణాంకాల ఆధారంగా నిర్ణయాలు తీసుకునేలా "న్యూట్రల్" విధాన వైఖరిని కొనసాగించింది.

ఆర్బీఐ 2026-27 ఆర్థిక సంవత్సరానికి జీడీపీ వృద్ధి అంచనాను 6.9 శాతం నుంచి 6.6 శాతానికి తగ్గించింది. మరోవైపు ద్రవ్యోల్బణ అంచనాను 4.6 శాతం నుంచి 5.1 శాతానికి పెంచింది. ముడి చమురు ధరల పెరుగుదల, ప్రపంచ ఆర్థిక అనిశ్చితులు ఇందుకు ప్రధాన కారణాలుగా పేర్కొంది. అలాగే రూపాయి బలహీనత, పశ్చిమ ఆసియా ఉద్రిక్తతలు, వర్షాకాల అనిశ్చితులు వంటి అంశాలు ఆర్థిక వ్యవస్థకు సవాళ్లుగా మారవచ్చని హెచ్చరించింది. విదేశీ డాలర్ ప్రవాహాలను పెంచేందుకు ప్రత్యేక చర్యలను ప్రకటించిన ఆర్బీఐ, గృహ రుణ గ్రహీతలకు మాత్రం ప్రస్తుతం ఈఎంఐలపై ఎలాంటి ఉపశమనం లేదని స్పష్టం చేసింది.