42 ఏళ్ల క్రికెట్ కలెక్షన్.. క్రికెట్ మ్యూజియం నిర్మించాలన్న ఒడిశా అభిమాని కల

ఒడిశాలోని కటక్ దర్గా బజార్ ప్రాంతానికి చెందిన సరోజ్ రంజన్ కర్ గత 42 ఏళ్లుగా క్రికెట్ చరిత్రను సంరక్షించే అరుదైన సేకరణను రూపొందిస్తున్నారు. 1982 నుంచి ప్రారంభమైన ఆయన ప్రయాణంలో 14 దేశాలకు చెందిన క్రికెటర్ల జెర్సీలు, క్యాప్‌లు, గ్లవ్స్, బ్యాట్లు, హెల్మెట్లు వంటి ఎన్నో విలువైన వస్తువులను సేకరించారు. ఈ విశేష కలెక్షన్ క్రికెట్ అభిమానులను ఆశ్చర్యపరుస్తోంది.

సర్ డాన్ బ్రాడ్‌మన్, సచిన్ తెందూల్కర్, సౌరవ్ గంగూలీ, ఎంఎస్ ధోని, విరాట్ కోహ్లి సహా 2,500 మందికిపైగా క్రికెటర్ల ఆటోగ్రాఫ్‌లు, 100కు పైగా సంతకాలతో కూడిన బ్యాట్లు ఆయన వద్ద ఉన్నాయి. ఈ అపూర్వమైన సేకరణను క్రికెట్ మ్యూజియంగా మార్చి యువతకు క్రీడా చరిత్రను పరిచయం చేయాలని, క్రికెట్ వారసత్వాన్ని భావితరాలకు అందించాలని ఆయన ఆకాంక్షిస్తున్నారు.