దురంధర్ నటి అయేషా ఖాన్ అరెస్ట్..

'దురంధర్' చిత్రంలోని 'షరారత్' పాటతో గుర్తింపు పొందిన నటి అయేషా ఖాన్ను విద్యార్థుల నిరసనల నేపథ్యంలో ముంబై పోలీసులు అరెస్ట్ చేశారు. విద్యార్థుల ఆందోళనకు మద్దతు తెలుపుతున్నారనే ఆరోపణలతో ఆమెను అదుపులోకి తీసుకున్నట్లు సమాచారం. ఈ ఘటన సోషల్ మీడియాలో చర్చనీయాంశంగా మారింది.

అయితే, ఈ ఆరోపణలను అయేషా ఖాన్ ఖండించారు. తాను ఎలాంటి నిరసనలో పాల్గొనలేదని, కేవలం రోడ్డు పక్కన నిలబడి ఉండగా పోలీసులు అన్యాయంగా అరెస్ట్ చేశారని ఆమె ఆరోపించారు. తనను అక్రమంగా అదుపులోకి తీసుకున్నారని పేర్కొన్న ఆమె వ్యాఖ్యలు వైరల్ అవుతుండగా, ఈ ఘటనపై పోలీసులు ఇంకా పూర్తి వివరాలు వెల్లడించాల్సి ఉంది.