మయామి ఎయిర్‌పోర్టులో అమెజాన్‌ కార్గో విమానానికి ఘోర ప్రమాదం

అమెరికాలోని మయామి అంతర్జాతీయ విమానాశ్రయంలో అమెజాన్‌కు చెందిన కార్గో విమానం ఘోర ప్రమాదానికి గురైంది. ప్యూర్టోరికో నుంచి వచ్చిన విమానం ల్యాండింగ్‌ సమయంలో రన్‌వేపై ఒక్కసారిగా అదుపుతప్పి పక్కకు దూసుకెళ్లింది. సమీపంలోని వ్యాపార ప్రాంతానికి వెళ్లే రోడ్డుపైకి చేరుకున్న విమానం అక్కడ ఉన్న వాహనాలను ఢీకొనడంతో భారీగా మంటలు చెలరేగాయి. ప్రమాదం అనంతరం ఘటనాస్థలంలో దట్టమైన పొగ కమ్ముకుంది.

సమాచారం అందుకున్న సహాయక బృందాలు వెంటనే రంగంలోకి దిగి సహాయక చర్యలు చేపట్టాయి. పైలట్‌, కోపైలట్‌తో పాటు వాహనాల్లో చిక్కుకున్న వారిని, విమానం కింద ఇరుక్కుపోయిన వ్యక్తిని రక్షించారు. ఈ ప్రమాదంలో తీవ్రంగా గాయపడిన ఐదుగురు మృతి చెందగా, పలువురిని ఆసుపత్రులకు తరలించారు. అయితే మృతుల్లో ఎంతమంది విమానంలో ఉన్నవారు, ఎంతమంది రోడ్డుపై ఉన్నవారనే దానిపై అధికారికంగా స్పష్టత రావాల్సి ఉంది.