అనంతపురంలో స్థానిక ఎన్నికల సందడి.. నామినేషన్లకు రేపే చివరి గడువు

అనంతపురం నగరపాలక సంస్థ పరిధిలో స్థానిక సంస్థల ఎన్నికల సందడి మొదలైంది. ఎన్నికల నోటిఫికేషన్ వెలువడటంతో వివిధ రాజకీయ పార్టీలకు చెందిన మేయర్, కార్పొరేటర్ అభ్యర్థులతో పాటు స్వతంత్ర అభ్యర్థులు నామినేషన్ పత్రాల కోసం నగరపాలక సంస్థ కార్యాలయానికి చేరుకుంటున్నారు. ఈ నెల 16న ప్రారంభమైన ఎన్నికల ప్రక్రియ 30వ తేదీతో ముగియనుందని నగరపాలక సంస్థ కమిషనర్ జస్వంత్ రావు వెల్లడించారు.

ఈ నెల 18న నామినేషన్ల దాఖలుకు చివరి తేదీగా నిర్ణయించారు. 19న నామినేషన్ పత్రాల పరిశీలన జరగనుండగా, 21వ తేదీ వరకు నామినేషన్ల ఉపసంహరణకు అవకాశం ఉంటుంది. అదే రోజు పోటీలో ఉన్న అభ్యర్థుల తుది జాబితాను ప్రకటించనున్నారు. 28న నగర పరిధిలో పోలింగ్ కేంద్రాలను ఖరారు చేస్తారు. 29న ఏవైనా అవాంఛనీయ సంఘటనలు చోటుచేసుకుంటే అవసరమైన చోట రీపోలింగ్ నిర్వహించే అవకాశం ఉంది. చివరగా 30వ తేదీన ఓట్ల లెక్కింపు చేపట్టి ఎన్నికల ప్రక్రియను పూర్తి చేయనున్నారు.