ఆధార్ పుకార్ల పై క్లారిటీ ఇచ్చిన కేంద్రం

ఆధార్ కార్డు రూపంలో మార్పులు చేస్తారని సోషల్ మీడియాలో జరుగుతున్న ప్రచారాన్ని కేంద్ర ఐటీ శాఖ ఖండించింది. కార్డులో పేరు, చిరునామా తొలగించి కేవలం ఫోటో, క్యూఆర్ కోడ్ మాత్రమే ఉంటాయని వస్తున్న వార్తలు పూర్తిగా అసత్యమని స్పష్టం చేసింది. అలాంటి ప్రతిపాదన ఏదీ లేదని కేంద్రం వెల్లడించింది.

ప్రజలు సోషల్ మీడియాలో వచ్చే తప్పుడు ప్రచారాన్ని నమ్మవద్దని, కేవలం యూఐడీఏఐ అధికారిక ప్రకటనలనే విశ్వసించాలని సూచించింది. ఇలాంటి వదంతులు ప్రజల్లో అనవసర అయోమయం సృష్టిస్తున్నాయని హెచ్చరించింది.