జెన్-జెడ్ నిరసనలతో వెలుగులోకి కాక్‌రోచ్ జనతా పార్టీ

భారీగా పెరిగిన ఫాలోవర్ల సంఖ్య వెనుక ఉన్నది “కాక్‌రోచ్ జనతా పార్టీ (CJP)” అనే వైరల్ సాటైరికల్ రాజకీయ ఉద్యమం. ఈ ఉద్యమాన్ని 2026 మే 16న బోస్టన్ యూనివర్సిటీలో పబ్లిక్ రిలేషన్స్ పీజీ పూర్తి చేసిన అభిజీత్ దీప్కే ప్రారంభించారు. ఆన్‌లైన్‌లో నిరుద్యోగ యువతను “కాక్‌రోచెస్”తో పోల్చినట్లు వచ్చిన న్యాయమూర్తి వ్యాఖ్యలకు వ్యతిరేకంగా ఇది రూపుదిద్దుకుంది.

నిరుద్యోగం, పేపర్ లీకులు, వ్యవస్థల బాధ్యతలపై యువతలో ఉన్న అసంతృప్తి ఈ ఉద్యమానికి బలమైంది. ఈరోజు నాటికి CJP ఇన్‌స్టాగ్రామ్ ఖాతా 13.3 మిలియన్లకు పైగా ఫాలోవర్లను సాధించి, బీజేపీ వంటి ప్రధాన పార్టీల అధికార ఖాతాలను కూడా దాటి పోయింది. ఈ వేగవంతమైన ఎదుగుదల వివాదానికి దారితీయగా, దాని ఎక్స్ (ట్విట్టర్) ఖాతాను భారతదేశంలో తాత్కాలికంగా నిలిపివేసినట్లు సమాచారం.