సీఎం రేవంత్‌రెడ్డి చేతుల మీదుగా ‘దుద్దిళ్ల శ్రీపాద రావు సెంట్రల్‌ హాల్‌’ ప్రారంభం..

తెలంగాణ శాసనసభ ప్రాంగణంలో నూతనంగా రూపుదిద్దుకున్న సెంట్రల్‌ హాల్‌ను ముఖ్యమంత్రి ఎ. రేవంత్‌రెడ్డి ప్రారంభించారు. మాజీ శాసనసభ స్పీకర్‌ దుద్దిళ్ల శ్రీపాద రావు సేవలను స్మరించుకుంటూ ఈ సెంట్రల్‌ హాల్‌కు ఆయన పేరు పెట్టారు. ప్రారంభోత్సవ కార్యక్రమానికి శాసనమండలి చైర్మన్‌ గుత్తా సుఖేందర్‌రెడ్డి, శాసనసభ స్పీకర్‌ గడ్డం ప్రసాద్‌కుమార్‌, శాసనసభా వ్యవహారాల శాఖ మంత్రి దుద్దిళ్ల శ్రీధర్‌బాబుతో పాటు పలువురు మంత్రులు, ప్రభుత్వ విప్‌లు, ఎమ్మెల్సీలు, ఎమ్మెల్యేలు హాజరయ్యారు.

ఈ సందర్భంగా ముఖ్యమంత్రి రేవంత్‌రెడ్డి, ఇతర ప్రజాప్రతినిధులు మాజీ స్పీకర్‌ దుద్దిళ్ల శ్రీపాద రావు చిత్రపటానికి నివాళులర్పించారు. అనంతరం ముఖ్యమంత్రి గౌరవ సభ్యులు, ఇతర ప్రజాప్రతినిధులతో కలిసి శాసనసభ ప్రాంగణంలో ఏర్పాటు చేసిన బ్రేక్‌ఫాస్ట్‌ కార్యక్రమంలో పాల్గొన్నారు.