దసరా వేళ స్వగ్రామానికి సీఎం రేవంత్‌రెడ్డి.. ఆలయంలో ప్రత్యేక పూజలు

దసరా పండుగ సందర్భంగా తెలంగాణ ముఖ్యమంత్రి రేవంత్‌రెడ్డి తన స్వగ్రామానికి వెళ్లారు. నాగర్‌కర్నూల్‌ జిల్లా కొండారెడ్డిపల్లికి చేరుకున్న సీఎంకు గ్రామస్థులు ఘన స్వాగతం పలికారు. అనంతరం ఆయన తన కుటుంబ సభ్యులతో కలిసి స్థానిక ఆంజనేయస్వామి ఆలయాన్ని సందర్శించి ప్రత్యేక పూజలు నిర్వహించారు.

పూజల అనంతరం సీఎం రేవంత్‌రెడ్డి గ్రామస్థులు, ప్రజాప్రతినిధులు, అధికారులను కలవనున్నారు. సాయంత్రం మైసమ్మ ఆలయాన్ని సందర్శించడంతో పాటు జమ్మిచెట్టుకు పూజలు నిర్వహించనున్నారు. దసరా పండుగ సందర్భంగా స్వగ్రామంలో సీఎం పర్యటనకు సంబంధించిన కార్యక్రమాలు కొనసాగనున్నాయి.