ఇజ్రాయెల్ చర్యలపై ట్రంప్ వ్యాఖ్యలతో వివాదం

డోనాల్డ్ ట్రంప్, బెంజమిన్ నెతాన్యహును ఉద్దేశించి చేసిన వ్యాఖ్యలు రాజకీయంగా చర్చనీయాంశంగా మారాయి. లెబనాన్‌లో జరుగుతున్న సైనిక చర్యలపై ఇద్దరు నేతల మధ్య తీవ్ర స్థాయిలో ఫోన్ సంభాషణ జరిగినట్లు నివేదికలు తెలిపాయి. ఆ సందర్భంలో ట్రంప్ వివాదాస్పద వ్యాఖ్య చేసినట్లు ఆయన అంగీకరించారు.

ఒక ఇంటర్వ్యూలో ట్రంప్ మాట్లాడుతూ లెబనాన్‌లో హెజ్‌బొల్లాతో కొనసాగుతున్న పోరాటం కారణంగా ఇరాన్‌తో శాంతి చర్చలు ప్రభావితమవుతున్నాయని తెలిపారు. ఈ పరిస్థితిపై తాను అసంతృప్తిగా ఉన్నానని, ఈ పోరాటాన్ని నియంత్రించాల్సిన అవసరం ఉందని నెతన్యాహుకు చెప్పినట్లు ఆయన పేర్కొన్నారు.