తెలంగాణలో రేపు విద్యాసంస్థలు బంద్...!

విద్యారంగ సమస్యల పరిష్కారం కోరుతూ వామపక్ష విద్యార్థి సంఘాలు జులై 10న తెలంగాణవ్యాప్తంగా విద్యాసంస్థల బంద్‌కు పిలుపునిచ్చాయి. ఈ బంద్ కారణంగా ప్రభుత్వ, ప్రైవేటు పాఠశాలలు, కళాశాలలు మూతపడే అవకాశం ఉంది. ముఖ్యంగా హైదరాబాద్‌తో పాటు ప్రధాన పట్టణాల్లో బంద్ ప్రభావం ఎక్కువగా ఉండే అవకాశముందని భావిస్తున్నారు.

జులై 10న బంద్ అనంతరం జులై 11న రెండో శనివారం, జులై 12న ఆదివారం సెలవులు ఉండటంతో విద్యార్థులకు వరుసగా మూడు రోజుల విరామం లభించే అవకాశం ఉంది. విద్యార్థుల సమస్యలను ప్రభుత్వం తక్షణమే పరిష్కరించాలని వామపక్ష విద్యార్థి సంఘాలు డిమాండ్ చేస్తున్నాయి. బంద్ నేపథ్యంలో విద్యాసంస్థలు, విద్యార్థులు ముందస్తు జాగ్రత్తలు తీసుకోవాలని సూచిస్తున్నారు.