ఎల్ నినో ఎఫెక్ట్.. పంటలపై రైతులకు చామల కీలక సూచనలు!

ఎల్ నినో ప్రభావాలపై ఆందోళనలు వ్యక్తమవుతున్న నేపథ్యంలో తెలంగాణ రైతులు అప్రమత్తంగా ఉండాలని భువనగిరి ఎంపీపీ చామల కిరణ్ కుమార్ రెడ్డి సూచించారు. ముఖ్యమంత్రి రేవంత్ రెడ్డి ఇచ్చిన సలహాలు, సూచనలను రైతులు పరిగణనలోకి తీసుకోవాలని కోరారు. ఎల్ నినో తెలంగాణకు మాత్రమే పరిమితమైన సమస్య కాదని, ఇది ప్రపంచవ్యాప్తంగా ప్రభావం చూపే వాతావరణ సంబంధిత పరిణామమని పేర్కొన్నారు. నీటి కొరత ఏర్పడితే మొదటగా రైతులే నష్టపోయే అవకాశం ఉందని హెచ్చరించారు. వ్యవసాయ నిర్ణయాలు తీసుకునేటప్పుడు ప్రతిపక్షాల వ్యాఖ్యలకంటే నీటి లభ్యత, వాస్తవ పరిస్థితులను దృష్టిలో ఉంచుకోవాలని సూచించారు.

రైతులు ఎక్కువ నీరు అవసరమయ్యే పంటలను సాగు చేయకుండా, అందుబాటులో ఉన్న నీటిని బట్టి పంటలను ఎంపిక చేసుకోవాలని కిరణ్ కుమార్ రెడ్డి కోరారు. ముఖ్యంగా నీటి లభ్యతపై స్పష్టత లేకుండా వరి వంటి పంటలు వేస్తే దిగుబడులు దెబ్బతిని ఆర్థికంగా ఇబ్బందులు ఎదురయ్యే ప్రమాదం ఉందని తెలిపారు. నీటి కొరత విద్యుత్ ఉత్పత్తిపైనా ప్రభావం చూపుతుందని పేర్కొన్నారు. రాష్ట్రంలో 20 వేల మెగావాట్ల విద్యుత్ సరఫరా చేసే పరిస్థితి ఏర్పడిందని ఆయన వ్యాఖ్యానించారు. రైతులు ముఖ్యమంత్రి సూచనలను పరిగణనలోకి తీసుకుని నీటి వనరులకు అనుగుణంగా పంటల సాగుపై నిర్ణయం తీసుకోవాలని పిలుపునిచ్చారు.