ఫెరారీ 12సిలిండ్రితో రోడ్లపై దూసుకెళ్లిన హార్దిక్ పాండ్యా

హార్దిక్ పాండ్యా కు చెందిన విలాసవంతమైన ఫెరారీ 12సిలిండ్రి బెంగళూరు వీధుల్లో దర్శనమివ్వడంతో సోషల్ మీడియాలో భారీ చర్చకు దారితీసింది. నీరో డేటోనా (Nero Daytona) రంగులో మెరిసిపోతున్న ఈ సూపర్‌కార్ తన అద్భుతమైన డిజైన్, సహజ శ్వాస (Naturally Aspirated) V12 ఇంజిన్‌తో ఆటోమొబైల్ ప్రేమికులను ఆకట్టుకుంటోంది. కారుపై వచ్చిన ఫొటోలు, వీడియోలు సోషల్ మీడియాలో వైరల్ అవుతున్నాయి.

సుమారు రూ.12 కోట్ల విలువైన ఈ ఫెరారీ 12సిలిండ్రి లగ్జరీ, పనితీరుకు ప్రతీకగా నిలుస్తోంది. హార్దిక్ పాండ్యా అత్యుత్తమ కార్ల కలెక్షన్‌లో ఈ సూపర్‌కార్ మరో ప్రత్యేక ఆకర్షణగా నిలిచింది. బెంగళూరు రోడ్లపై ఈ అరుదైన ఫెరారీ కనిపించడంతో అభిమానులు, కార్ ప్రేమికులు ప్రశంసలు కురిపిస్తూ సోషల్ మీడియాలో విస్తృతంగా స్పందిస్తున్నారు.