భారీ వర్షాలతో పాటు ఈదురుగాలులు.. తెలంగాణకు వాతావరణ హెచ్చరిక

తెలంగాణలో రానున్న రోజుల్లో వర్షాలు కురిసే అవకాశం ఉందని వాతావరణ శాఖ సూచించింది. రేపటి నుంచి ఈ నెల 26వ తేదీ వరకు రాష్ట్రంలోని పలు ప్రాంతాల్లో వర్షాలు పడే అవకాశం ఉంది. ముఖ్యంగా రేపు, ఎల్లుండి తెలంగాణలో భారీ వర్షాలు కురిసే అవకాశం ఉన్నట్లు అంచనా వేస్తున్నారు.

వర్షాలతో పాటు గంటకు 30 నుంచి 40 కిలోమీటర్ల వేగంతో ఈదురుగాలులు వీచే అవకాశం ఉందని అధికారులు తెలిపారు. ప్రజలు అప్రమత్తంగా ఉండాలని, వాతావరణ పరిస్థితులకు అనుగుణంగా ప్రయాణాలు, ఇతర కార్యకలాపాలను కొనసాగించాలని సూచించారు.