ఒక్క మ్యాచ్‌తో స్టార్‌గా మారిన హింగే

భారీ లక్ష్యాన్ని ఛేదించే క్రమంలో రాజస్థాన్ జట్టు టాప్ ఆర్డర్ పూర్తిగా కుప్పకూలింది. తొలి మూడు ఓవర్లలోనే ఐదు వికెట్లు కోల్పోయి 1, 0, 0, 0, 4 పరుగులతో నిలిచిపోవడం అభిమానులను ఆశ్చర్యానికి గురి చేసింది. ఈ పతనానికి కారణం అరంగేట్ర పేసర్ ప్రఫుల్ హింగే అద్భుత ప్రదర్శనే.

వైభవ్ సూర్యవంశీని షార్ట్ బంతితో ఔట్ చేసి మ్యాచ్‌ను తనవైపు తిప్పుకున్నాడు. అతని బౌలింగ్ మాయాజాలంతో మ్యాచ్ దిశ పూర్తిగా మారింది. ఈ ప్రదర్శనతో అతనికి ఒక్కసారిగా భారీ గుర్తింపు లభించగా, అతని సోషల్ మీడియాలో ఫాలోవర్స్ సంఖ్య వేగంగా పెరిగింది. మొదటి ఓవర్‌కు ముందు ప్రఫుల్ హింగేకు సుమారు మూడు వేల ఫాలోవర్స్ మాత్రమే ఉండగా, ఇప్పుడు ఆయనకు ఇన్‌స్టాగ్రామ్‌లో రెండు లక్షల యాభై నాలుగు వేలకుపైగా ఫాలోవర్స్ ఉన్నారు.