ఢిల్లీ వ్యాపారులకు అండగా ఉంటా - రాహుల్ గాంధీ

ఢిల్లీలోని ప్రతి వ్యాపారికి అండగా ఉంటానని కాంగ్రెస్ ఎంపీ రాహుల్ గాంధీ భరోసా ఇచ్చారు. నగరంలోని వ్యాపారులు ఎదుర్కొంటున్న ఇబ్బందులను అర్థం చేసుకుంటున్నామని ఆయన ఎక్స్‌ వేదికగా పేర్కొన్నారు. కేంద్ర ప్రభుత్వం మెట్రో సేవలను నిలిపివేసి, రహదారులను మూసివేస్తూ దేశ రాజధానిని దిగ్బంధం చేస్తోందని రాహుల్ విమర్శించారు.

ఓటు చోరీ జరిగితే ఏదీ సురక్షితంగా ఉండదని, వ్యాపారుల దుకాణాలు, పొదుపు, వారి పిల్లల భవిష్యత్తు కూడా ప్రమాదంలో పడతాయని ఆయన హెచ్చరించారు. ఓటు చోరీ ఆరోపణలు ఎదుర్కొంటున్నారని పేర్కొంటూ, ప్రధానమంత్రి నరేంద్ర మోదీ చీఫ్ ఎలక్షన్ కమిషనర్ జ్ఞానేశ్ కుమార్‌ను పదవి నుంచి తొలగించాలని రాహుల్ గాంధీ విజ్ఞప్తి చేశారు. ఆయనను తొలగిస్తే 30 సెకన్లలోనే ఆందోళనలు ఆగిపోతాయని రాహుల్ వ్యాఖ్యానించారు.