టీచర్లకు కర్ణాటక ప్రభుత్వం ప్రత్యేక గౌరవం..

జాతీయ ఉపాధ్యాయ దినోత్సవం సందర్భంగా కర్ణాటక ప్రభుత్వం ఉపాధ్యాయులకు ప్రత్యేక గౌరవం కల్పించే నిర్ణయం తీసుకుంది. ఇకపై ఉపాధ్యాయుల పేర్ల ముందు ‘Tr’ (టీచర్‌) అనే పూర్వపదాన్ని చేర్చాలని నిర్ణయించింది. విజయనగర జిల్లా కూడ్లిగిలో నిర్వహించిన ఓ కార్యక్రమంలో కర్ణాటక ముఖ్యమంత్రి డీకే శివకుమార్‌ ఈ విషయాన్ని ప్రకటించారు. సమాజ నిర్మాణంలో ఉపాధ్యాయుల పాత్రను గుర్తిస్తూ ఈ నిర్ణయం తీసుకున్నట్లు తెలిపారు.

వైద్యుల పేర్ల ముందు ‘Dr’, ఆచార్యుల పేర్ల ముందు ‘Prof’ వంటి పూర్వపదాలను ఉపయోగిస్తూ ఆయా వృత్తులకు గౌరవం కల్పిస్తున్న విధంగానే ఉపాధ్యాయులకు కూడా ప్రత్యేక గుర్తింపు ఇవ్వాలని ప్రభుత్వం నిర్ణయించినట్లు సీఎం తెలిపారు. ఇటీవలి మంత్రివర్గ సమావేశంలో ఉపాధ్యాయుల పేర్ల ముందు ‘Tr’ ఉపసర్గను ఉపయోగించేలా తీర్మానం చేసినట్లు డీకే శివకుమార్‌ వెల్లడించారు. ఈ నిర్ణయం ఉపాధ్యాయ వృత్తికి మరింత గౌరవం, ప్రత్యేక గుర్తింపు కల్పించే చర్యగా నిలవనుంది.