యాదాద్రి ప్లాంట్‌పై కేటీఆర్ కీలక ప్రకటన

యాదాద్రి థర్మల్ పవర్ ప్లాంట్ మరో కీలక మైలురాయిని చేరుకుందని బీఆర్‌ఎస్‌ పార్టీ కార్యనిర్వాహక అధ్యక్షుడు కేటీఆర్‌ తెలిపారు. ప్లాంట్‌లోని ఐదో యూనిట్‌ను కూడా విజయవంతంగా విద్యుత్‌ గ్రిడ్‌కు అనుసంధానించినట్లు ఆయన వెల్లడించారు. ఈ ఘనతను మాజీ ముఖ్యమంత్రి కేసీఆర్‌ దార్శనికతకు చెరగని ముద్రగా అభివర్ణించారు. తెలంగాణ విద్యుత్‌ రంగంలో సాధించిన పురోగతికి యాదాద్రి ప్లాంట్‌ ప్రతీకగా నిలుస్తోందని పేర్కొన్నారు.

తెలంగాణ విద్యుత్‌ రంగం గత దశాబ్ద కాలంలో గణనీయమైన ప్రగతి సాధించిందని కేటీఆర్‌ అన్నారు. రాష్ట్ర విద్యుత్‌ సామర్థ్యం 20 వేల మెగావాట్ల స్థాయికి చేరడం ఈ ప్రయాణంలో కీలక పరిణామమని పేర్కొన్నారు. యాదాద్రి థర్మల్‌ ప్లాంట్‌లో ఐదో యూనిట్‌ గ్రిడ్‌కు అనుసంధానం కావడంపై ఆయన ఎక్స్‌ వేదికగా స్పందిస్తూ ఈ వివరాలను పంచుకున్నారు.