టీవీకే నేత ఇంట్లో భారీగా డ్రగ్స్ పట్టివేత

తమిళనాడులో భారీగా మత్తుపదార్థాలు పట్టుబడిన ఘటన రాజకీయంగా కలకలం రేపుతోంది. తమిళగ వెట్రి కళగం (టీవీకే) పార్టీ జిల్లా కార్యవర్గ సభ్యుడు భూపాలన్ ఇంట్లో సుమారు రూ.100 కోట్ల విలువైన మత్తుపదార్థాలను కేంద్ర రెవెన్యూ ఇంటెలిజెన్స్ (డీఆర్‌ఐ) అధికారులు స్వాధీనం చేసుకున్నట్లు వార్తలు వెలువడ్డాయి.

నిషేధిత మెథాంఫెటమైన్ మాదకద్రవ్యాల అక్రమ రవాణా, నిల్వలకు సంబంధించి అందిన సమాచారంతో ఢిల్లీ నుంచి వచ్చిన అధికారులు భూపాలన్ నివాసంతో పాటు ఆయన స్నేహితుల ఇళ్లలో సోదాలు నిర్వహించినట్లు సమాచారం. ఈ తనిఖీల్లో సుమారు 135 కిలోల మత్తుపదార్థాలను స్వాధీనం చేసుకున్నట్లు, ఈ కేసులో భూపాలన్‌తో పాటు ఆయన స్నేహితుడు సుగన్‌ను అరెస్ట్ చేసినట్లు కథనాలు పేర్కొన్నాయి.