మల్లారెడ్డి రివాల్వర్‌ కథ.. వైరల్‌గా మారిన వ్యాఖ్యలు

మాజీ మంత్రి, బీఆర్‌ఎస్‌ ఎమ్మెల్యే చామకూర మల్లారెడ్డి తన రివాల్వర్‌ గురించి చేసిన వ్యాఖ్యలు ప్రస్తుతం చర్చనీయాంశంగా మారాయి. విజయదశమి సందర్భంగా హైదరాబాద్‌లోని బోయినపల్లిలో ఉన్న తన క్యాంపు కార్యాలయంలో ఆయన ఆయుధ పూజ నిర్వహించారు. ఈ సందర్భంగా తన రివాల్వర్‌కు పూజలు చేసిన అనంతరం, దాని కొనుగోలు, వినియోగానికి సంబంధించిన పాత జ్ఞాపకాలను పంచుకున్నారు. తుపాకీని చూపిస్తూ ఆయన చేసిన వ్యాఖ్యలు వైరల్‌గా మారాయి.

1986లో సింగపూర్‌లో ఈ రివాల్వర్‌ను కేవలం రూ.3 వేలకే కొనుగోలు చేసినట్లు మల్లారెడ్డి వెల్లడించారు. ఆత్మరక్షణ కోసమే ఈ ఆయుధాన్ని తన వద్ద ఉంచుకున్నానని తెలిపారు. దీనికి అప్పట్లోనే ఆల్‌ ఇండియా లైసెన్స్‌ తీసుకున్నానని, దాదాపు నాలుగు దశాబ్దాలుగా రివాల్వర్‌ను భద్రంగా ఉంచుకున్నానని పేర్కొన్నారు. దసరా ఆయుధ పూజ సందర్భంగా ఆయన చేసిన ఈ వ్యాఖ్యలు రాజకీయ, సామాజిక వర్గాల్లో ఆసక్తిని రేకెత్తిస్తున్నాయి.