నేడు ఎన్టీఆర్ హెల్త్ యూనివర్సిటీ రూబీ జూబ్లీ వేడుకలు.. ముఖ్య అతిథిగా ఉపరాష్ట్రపతి

విజయవాడలోని ఎన్టీఆర్ హెల్త్ యూనివర్సిటీ 40వ వార్షికోత్సవ వేడుకలు నేడు ఘనంగా నిర్వహించనున్నారు. యూనివర్సిటీ నాలుగు దశాబ్దాల ప్రస్థానాన్ని పురస్కరించుకుని అంబేద్కర్ కళావేదికలో ‘రూబీ జూబ్లీ’ వేడుకలను ఏర్పాటు చేశారు. ఈ కార్యక్రమానికి భారత ఉపరాష్ట్రపతి రాధాకృష్ణన్ ముఖ్య అతిథిగా హాజరుకానున్నారు.

ఈ వేడుకలకు ఆంధ్రప్రదేశ్ గవర్నర్ జస్టిస్ అబ్దుల్ నజీర్, ముఖ్యమంత్రి చంద్రబాబు నాయుడు కూడా హాజరుకానున్నారు. ఈ సందర్భంగా ఎన్టీఆర్ హెల్త్ యూనివర్సిటీ 40 ఏళ్ల ప్రస్థానం, సాధించిన ప్రగతిని వివరించే ప్రత్యేక సావనీర్‌ను ఆవిష్కరించనున్నారు. యూనివర్సిటీ ప్రయాణాన్ని గుర్తుచేసుకుంటూ నిర్వహిస్తున్న ఈ వేడుకలకు ప్రాధాన్యం సంతరించుకుంది.