హైదరాబాద్ నగరవ్యాప్తంగా పోలీస్ కవచ్‌.. ముమ్మరంగా తనిఖీలు

హైదరాబాద్ నగరవ్యాప్తంగా పోలీసులు ప్రత్యేక తనిఖీలు చేపట్టారు. పోలీస్ కమిషనర్ వి.సి. సజ్జనార్ ఆదేశాల మేరకు అన్ని జోన్ల పరిధిలో పోలీసులు రంగంలోకి దిగి భద్రతా చర్యలను ముమ్మరం చేశారు. నగరంలోని ప్రధాన కూడళ్లతో పాటు కీలక ప్రాంతాల్లో పెద్ద సంఖ్యలో పోలీసులను మోహరించి తనిఖీలు నిర్వహిస్తున్నారు.

వాహనాలతో పాటు అనుమానాస్పదంగా కనిపించే వ్యక్తులను పోలీసులు క్షుణ్ణంగా పరిశీలిస్తున్నారు. సరైన పత్రాలు లేని వాహనాలను స్వాధీనం చేసుకుంటున్నారు. నగరంలో శాంతిభద్రతల పరిరక్షణ, నేరాల నియంత్రణ లక్ష్యంగా ఈ తనిఖీలు చేపట్టినట్లు తెలుస్తోంది. పోలీసుల తనిఖీలకు సంబంధించిన మరిన్ని వివరాలు అధికారికంగా వెల్లడికావాల్సి ఉంది.