కనకదుర్గమ్మను దర్శించుకున్న రాష్ట్రపతి ద్రౌపది ముర్ము

ఇంద్రకీలాద్రిపై కొలువైన శ్రీ కనకదుర్గమ్మను దర్శించుకునేందుకు విజయవాడకు విచ్చేసిన భారత రాష్ట్రపతి ద్రౌపది ముర్ముకు రాష్ట్ర హోం మంత్రి వంగలపూడి అనిత, జిల్లా కలెక్టర్ లక్ష్మీ షా, దుర్గగుడి ఈవో సీనా నాయక్, ఆలయ చైర్మన్ బొర్రా గాంధీ ఘన స్వాగతం పలికారు. ఈ కార్యక్రమంలో పార్లమెంట్ సభ్యుడు లావు శ్రీకృష్ణదేవరాయలు, పలువురు అధికారులు పాల్గొన్నారు.

అనంతరం రాష్ట్రపతి ద్రౌపది ముర్ము శ్రీ కనకదుర్గమ్మను దర్శించుకుని ప్రత్యేక పూజలు నిర్వహించారు. ఈ సందర్భంగా వేద పండితులు ఆమెకు వేదాశీర్వచనాలు అందించారు. ఆలయ సంప్రదాయం ప్రకారం శ్రీ దుర్గా మల్లేశ్వర స్వామివారి చిత్రపటాన్ని రాష్ట్రపతికి బహూకరించారు.