డీఎంకే నేత నెహ్రూ నివాసాల్లో సోదాలు

తమిళనాడులో డీఎంకే సీనియర్‌ నేత కే.ఎన్. నెహ్రూకు చెందిన నివాసాల్లో అవినీతి నిరోధక శాఖ అధికారులు సోదాలు నిర్వహించారు. మొత్తం 19 ప్రాంతాల్లో ఏకకాలంలో తనిఖీలు చేపట్టారు. ఆయన గతంలో మున్సిపల్‌ అడ్మినిస్ట్రేషన్‌ అండ్‌ వాటర్‌ సప్లై (MAWS) శాఖలో ఉన్న సమయంలో జరిగినట్లు ఆరోపణలు ఎదుర్కొంటున్న అక్రమాలపై ఈ సోదాలు జరుగుతున్నట్లు సమాచారం.

MAWS శాఖలో ఉద్యోగ నియామకాలు, బదిలీలు, టెండర్ల ప్రక్రియలో అవకతవకలు జరిగాయన్న ఆరోపణల నేపథ్యంలో అధికారులు ఈ తనిఖీలు చేపట్టారు. పలు ప్రాంతాల్లో ఒకేసారి సోదాలు నిర్వహిస్తూ సంబంధిత పత్రాలు, వివరాలను అధికారులు పరిశీలిస్తున్నట్లు తెలుస్తోంది.