పోలవరం ప్రాజెక్ట్‌లో మట్టి పరీక్షలు

పోలవరం ప్రాజెక్ట్‌లో కేంద్ర మట్టి, పదార్థాల పరిశోధనా సంస్థ (సీఎస్‌ఎంఆర్‌ఎస్) బృందం బుధవారం రెండో రోజు పరీక్షలు నిర్వహించింది. ఈ పరిశీలనలు గురువారం కూడా కొనసాగనున్నాయి.

సీఎస్‌ఎంఆర్‌ఎస్‌కు చెందిన నిపుణులు సిద్ధార్థ్ పీ హెడవూ, శ్రీ హరి టి నాయర్, గౌరవ్ పాండే గ్యాప్ 2 ప్రాంతంలో 14 పరీక్షలు నిర్వహించారు. మట్టిలో తేమ శాతం, పటుత్వం, అలాగే నిర్మాణంలో ఉపయోగించే రాయి, మట్టి నాణ్యతను పరిశీలించారు. ఎర్త్ కం రాక్ ఫిల్ డ్యామ్ నిర్మాణంలో ప్రతి పొర సమయంలో పరీక్షలు చేయడం అవసరమని శాస్త్రవేత్తలు తెలిపారు.