పోలీస్ యూనిఫామ్‌లో డ్యాన్స్ చేస్తే కఠిన చర్యలు - డీజీపీ సీవీ ఆనంద్

పోలీస్ యూనిఫామ్‌లో డ్యాన్సులు చేయడం, ప్రైవేట్ కార్యక్రమాల్లో పాల్గొనడంపై తెలంగాణ డీజీపీ సీవీ ఆనంద్ పోలీసు సిబ్బందిని హెచ్చరించారు. ఇటీవల వివిధ కార్యక్రమాల్లో పోలీసులు యూనిఫామ్‌లో డ్యాన్సులు చేసిన వీడియోలు సామాజిక మాధ్యమాల్లో వైరల్‌గా మారాయి. ఈ ఘటనలపై తీవ్ర చర్చ జరగడంతో పాటు పోలీసు శాఖ క్రమశిక్షణపై విమర్శలు వెల్లువెత్తాయి.

ఈ నేపథ్యంలో యూనిఫామ్‌లో ఇలాంటి కార్యక్రమాలకు దూరంగా ఉండాలని డీజీపీ ఆదేశించారు. పోలీసు యూనిఫామ్ బాధ్యత, అధికారం, క్రమశిక్షణకు ప్రతీక అని, దాని గౌరవాన్ని కాపాడాల్సిన బాధ్యత ప్రతి సిబ్బందిపై ఉందని స్పష్టం చేశారు. ఈ ఆదేశాలను ఉల్లంఘించే వారిపై కఠిన క్రమశిక్షణా చర్యలు తీసుకుంటామని సీవీ ఆనంద్ హెచ్చరించారు.