విజయవాడ దుర్గా ఘాట్‌లో విజయవంతంగా హంస వాహనం తెప్పోత్సవం ట్రయల్ రన్

విజయవాడ ఇంద్రకీలాద్రిపై కొలువుదీరిన శ్రీ దుర్గా మల్లేశ్వర స్వామివార్ల దేవస్థానం ఆధ్వర్యంలో దుర్గా ఘాట్ వద్ద హంస వాహనం తెప్పోత్సవం ట్రయల్ రన్ విజయవంతంగా నిర్వహించారు. తెప్పోత్సవానికి సంబంధించిన ఏర్పాట్లను ముందుగానే పరిశీలించి, కార్యక్రమం సజావుగా జరిగేలా చూడటమే లక్ష్యంగా ఈ ట్రయల్ రన్ చేపట్టారు.

జిల్లా కలెక్టర్ డాక్టర్ జి. లక్ష్మీశ, జిల్లా పోలీస్ కమిషనర్ ఎస్వీ రాజశేఖరబాబు, దేవస్థానం కార్యనిర్వహణాధికారి వీకే శీనా నాయక్, స్థానాచార్యులు శివ ప్రసాద్ శర్మతో పాటు వివిధ శాఖల అధికారులు ట్రయల్ రన్‌ను పరిశీలించారు. హంస వాహనం నిర్వహణ, భద్రతా ఏర్పాట్లు, భక్తులకు ఎలాంటి అసౌకర్యం కలగకుండా తీసుకోవాల్సిన ముందస్తు జాగ్రత్తలపై సమీక్షించారు. తెప్పోత్సవం విజయవంతంగా నిర్వహించేందుకు సంబంధిత శాఖల అధికారులు సమన్వయంతో పనిచేయాలని సూచించారు.