గృహ హింస చట్టం కింద వదినకు మరిది నుంచి భరణం పొందే హక్కు: సుప్రీంకోర్టు

గృహ హింస నుంచి మహిళల రక్షణ చట్టం కింద కీలక తీర్పు ఇచ్చిన సుప్రీంకోర్టు, ఉమ్మడి కుటుంబంలో కలిసి నివసించిన వితంతు మహిళకు మరిది నుంచి భరణం పొందే అవకాశం ఉందని స్పష్టం చేసింది. ఒకే ఇంట్లో నివసించే వయోజన పురుష కుటుంబ సభ్యుడిని గృహ హింస కేసుల్లో ప్రతివాదిగా చేర్చకుండా మినహాయించలేమని కోర్టు పేర్కొంది.

హర్యానాలోని పానిపట్‌కు చెందిన ఓ వితంతు మహిళ తన భర్త మరణం తర్వాత తనకు, తన కుమార్తెకు అత్తింట్లో నివాస హక్కు నిరాకరించారని ఆరోపిస్తూ కోర్టును ఆశ్రయించింది. ఈ కేసులో సుప్రీంకోర్టు మరిది నెలకు రూ.4,000, కుమార్తెకు నెలకు రూ.2,000 చొప్పున తాత్కాలిక భరణం చెల్లించాలని ఇచ్చిన ఆదేశాలను సమర్థించింది. తుది నిర్ణయం విచారణలో వెల్లడవుతుందని తెలిపింది.