తమిళనాడు మంత్రులకు శాఖల కేటాయింపు

తమిళనాడులో మంత్రులకు శాఖల కేటాయింపు జరిగింది. ముఖ్యమంత్రి విజయ్ హోం, పోలీస్, మహిళా శిశు సంక్షేమం, పట్టణ నీటి సరఫరా వంటి కీలక శాఖలను తన వద్దే ఉంచుకున్నారు.

సీనియర్ నేత సెంగోట్టైయన్‌కు ఆర్థిక శాఖ కేటాయించగా, ఎన్. ఆనంద్‌కు గ్రామీణాభివృద్ధి, జలవనరుల శాఖలు అప్పగించారు. సెల్వి ఎస్. కీర్తనకు పరిశ్రమల శాఖ బాధ్యతలు ఇచ్చారు.

ఇతర మంత్రుల్లో ఆదవ్ అర్జునకు ప్రజా పనులు, క్రీడాభివృద్ధి శాఖ, డాక్టర్ కేజీ అరుణ్‌రాజ్‌కు ఆరోగ్యం, వైద్య విద్య, కుటుంబ సంక్షేమ శాఖలు కేటాయించారు. పి. వెంకటరమణన్‌కు ఆహార పౌర సరఫరాల శాఖ, ఆర్. నిర్మల్‌కుమార్‌కు ఇంధన వనరులు, విద్యుత్, న్యాయ, జైళ్లు, అవినీతి నివారణ, శాసనసభ, గవర్నర్, ఎన్నికల బాధ్యతలు అప్పగించారు. రాజ్‌మోహన్‌కు విద్యాశాఖతో పాటు తమిళ అభివృద్ధి, సమాచార శాఖలు ఇవ్వగా, డాక్టర్ టి.కె. ప్రభు సహజ వనరుల శాఖను చేపట్టనున్నారు.