ఫ్లోరిడా రోడ్డు ప్రమాదంలో తెలంగాణ యువకుడు మృతి

అమెరికాలోని ఫ్లోరిడాలో జరిగిన రోడ్డు ప్రమాదంలో నిజామాబాద్ జిల్లా నవీపేటకు చెందిన యువకుడు పుట్టా రాహుల్ మృతి చెందడంతో తెలంగాణ ముఖ్యమంత్రి ఎ. రేవంత్ రెడ్డి తీవ్ర దిగ్భ్రాంతి వ్యక్తం చేశారు. మృతుడి కుటుంబ సభ్యులకు ప్రగాఢ సానుభూతి తెలిపారు.

ప్రాథమిక సమాచారం ప్రకారం రాహుల్‌తో పాటు కారులో ప్రయాణిస్తున్న మరో ఇద్దరు యువకుల్లో ఒకరు మృతి చెందగా, మరొకరు తీవ్రంగా గాయపడ్డారు. ఘటనపై పూర్తి వివరాలు సేకరించి, అవసరమైన చర్యలు చేపట్టాలని సీఎం అధికారులను ఆదేశించారు. విదేశాంగ మంత్రిత్వ శాఖ, భారత రాయబార కార్యాలయంతో సమన్వయం చేసుకుంటూ సహాయక చర్యలు చేపట్టాలని సూచించారు.