తెలుగు చిత్ర పరిశ్రమ హాలీవుడ్ స్థాయికి ఎదిగింది - డిప్యూటీ సీఎం భట్టి

హైదరాబాద్‌లో జరిగిన గద్దర్ ఫిల్మ్‌ అవార్డుల కార్యక్రమంలో ఉప ముఖ్యమంత్రి భట్టి విక్రమార్క మల్లు, గద్దర్‌ను తెలంగాణ ఆత్మను ప్రపంచానికి పరిచయం చేసిన మహానీయుడిగా కొనియాడారు. ఆయన పేరిట అవార్డులు ఇవ్వడం ద్వారా ప్రభుత్వ ఆలోచన, సంస్కృతి పట్ల గౌరవం స్పష్టంగా తెలుస్తుందని పేర్కొన్నారు. తెలుగు చిత్ర పరిశ్రమ ప్రపంచ స్థాయికి ఎదిగిందని కూడా ఆయన తెలిపారు.

సామాజిక సందేశంతో కూడిన సినిమాలు ప్రజల్లో మార్పుకు దోహదపడుతున్నాయని ఆయన అన్నారు. ముఖ్యమంత్రి రేవంత్ రెడ్డి నాయకత్వంలో పది సంవత్సరాల విరామం తర్వాత సినిమా అవార్డులను పునఃప్రారంభించారని తెలిపారు. కార్యక్రమానికి హాజరైన ప్రముఖ నటీనటులకు కృతజ్ఞతలు తెలుపుతూ, పారదర్శకంగా సినిమాలను ఎంపిక చేసిన సభ్యులను అభినందించారు.