బెంగళూరు జైల్లో ఉగ్రవాదం వ్యాప్తి.. ఏడుగురికి శిక్ష

జాతీయ దర్యాప్తు సంస్థ ప్రత్యేక కోర్టు బెంగళూరు జైలు ఉగ్రవాద కేసులో ఏడుగురికి శిక్ష విధించింది. ఇందులో ప్రధాన నిందితుడు టి నసీర్ కూడా ఉన్నాడు. లష్కరే తోయిబాతో సంబంధం ఉన్న ఈ కేసులో నిందితులకు ఏడు సంవత్సరాల కఠిన కారాగార శిక్షతో పాటు జరిమానా విధించారు.

దర్యాప్తులో జైలు లోపల ఉగ్రవాద భావజాలం వ్యాప్తి చేసినట్లు తెలిసింది. అమాయక ఖైదీలను ఉగ్ర కార్యకలాపాలకు ఆకర్షించడం, శిక్షణ ఇవ్వడం, మతమార్పిడి చేయడం వంటి కుట్రలు జరిగినట్లు ఎన్‌ఐఏ వెల్లడించింది. ఇది జైలు వ్యవస్థలో పనిచేసిన పెద్ద ఉగ్ర నెట్‌వర్క్‌లో భాగమని అధికారులు తెలిపారు.