రష్యా చమురు కొనుగోళ్లపై అమెరికా కీలక నిర్ణయం

భారత్‌తో సహా కొన్ని దేశాలకు సుంకాల నుంచి తాత్కాలిక మినహాయింపులు ఇవ్వడం, రష్యాపై విధించిన కొన్ని ఆంక్షలను సడలించడం వెనుక 60 రోజుల సమీక్షా కాలం ఉందని అమెరికా విదేశాంగ మంత్రి మార్కో రూబియో తెలిపారు. అధ్యక్షుడు డొనాల్డ్‌ ట్రంప్‌ తీసుకున్న ఈ నిర్ణయాల వల్ల ప్రపంచవ్యాప్తంగా ఎలాంటి ప్రభావం ఉంటుందో అంచనా వేసేందుకు ఈ సమయం కేటాయించినట్లు వివరించారు. సుంకాలు, ఆంక్షల ప్రభావాన్ని పరిశీలించి తదుపరి చర్యలపై నిర్ణయం తీసుకునే అవకాశం ఉందని పేర్కొన్నారు.

విదేశాలపై సుంకాలు, ఆంక్షలు విధించడం వల్ల ప్రపంచ ఆర్థిక వ్యవస్థతో పాటు అమెరికా ఆర్థిక వ్యవస్థపై పడే ప్రభావాన్ని విశ్లేషించేందుకు అధ్యక్షుడు 60 రోజుల సమయం తీసుకున్నారని రూబియో వివరించినట్లు సమాచారం. మరోవైపు, రష్యా చమురు కొనుగోళ్లకు సంబంధించి భారత్‌, చైనాలపై ఆంక్షలు విధించాలని అమెరికా తన ఐరోపా మిత్రదేశాలను కోరినప్పటికీ, వారు అందుకు అంగీకరించలేదని అమెరికా మంత్రి స్కాట్‌ పేర్కొన్నట్లు వార్తా కథనం వెల్లడించింది.