ఇరాన్‌పై అమెరికా సెంట్రల్ కమాండ్ ఎదురుదాడుల కలకలం!

హర్మూజ్‌ జలసంధిలో వాణిజ్య నౌకలపై ఇరాన్‌ దాడులకు ప్రతిగా అమెరికా సైన్యం చర్యలకు దిగింది. అమెరికా సెంట్రల్‌ కమాండ్‌ ప్రకారం, అంతర్జాతీయ జలాల్లో ప్రయాణిస్తున్న మూడు వాణిజ్య నౌకలపై జరిగిన దాడులకు సమాధానంగా ఇరాన్‌పై శక్తివంతమైన దాడులు ప్రారంభించినట్లు ప్రకటించింది.

పౌర సిబ్బంది ఉన్న నౌకలను లక్ష్యంగా చేసుకోవడం ప్రమాదకరమైన చర్య అని అమెరికా పేర్కొంది. ఇరాన్‌ కాల్పుల విరమణ ఒప్పందాన్ని ఉల్లంఘించిందని ఆరోపిస్తూ, ఈ దాడులు అంతర్జాతీయ నౌకాయాన భద్రతను కాపాడేందుకు చేపట్టిన చర్యలని తెలిపింది. తాజా పరిణామాలతో గల్ఫ్‌ ప్రాంతంలో ఉద్రిక్తతలు మరింత పెరిగాయి.