ప్రపంచ ఆరోగ్య సంస్థ హెచ్చరిక...ఏం జరుగుతోంది?

ఎబోలా వైరస్ వ్యాప్తి నేపథ్యంలో ప్రపంచ ఆరోగ్య సంస్థ (WHO) గ్లోబల్ హెల్త్ ఎమర్జెన్సీ ప్రకటించింది. కాంగో, ఉగాండా దేశాల్లో కలిపి 300కు పైగా కేసులు నమోదయ్యాయి. కాంగోలో ఇప్పటికే 88 మంది మరణించినట్లు అధికారులు తెలిపారు.

ఈ వైరస్ వేగంగా వ్యాపించే ప్రమాదం ఉన్నప్పటికీ ప్రస్తుతం ప్రపంచ దేశాలకు తక్షణ ముప్పు లేదని ప్రపంచ ఆరోగ్య సంస్థ స్పష్టం చేసింది. అయితే పొరుగు దేశాలకు విస్తరించే అవకాశం ఉన్నందున అప్రమత్తంగా ఉండాలని హెచ్చరించింది.

ఎబోలా వైరస్‌కు ఇప్పటివరకు ప్రత్యేకమైన వ్యాక్సిన్ లేదా చికిత్స పూర్తిగా అందుబాటులో లేకపోవడం ఆందోళన కలిగిస్తోంది. సరిహద్దుల వద్ద స్క్రీనింగ్ పెంచాలని, బాధితులను వెంటనే క్వారంటైన్‌లో ఉంచాలని ప్రపంచ ఆరోగ్య సంస్థ సూచించింది.