ఫ్రాన్స్‌లో మంటల మధ్య జాగింగ్‌.. మహిళ వీడియో వైరల్‌

ఫ్రాన్స్‌లో నిరసనలు, హింసాత్మక ఘటనలతో ఉద్రిక్త పరిస్థితులు నెలకొన్నాయి. పలు ప్రాంతాల్లో మంటలు, దట్టమైన పొగలు కనిపిస్తున్న దృశ్యాలు ఆందోళన కలిగిస్తున్నాయి. ఈ నేపథ్యంలో ఓ మహిళ ఏమాత్రం భయపడకుండా, మండుతున్న బారికేడ్‌ పక్క నుంచి ప్రశాంతంగా జాగింగ్‌ చేస్తూ వెళ్లడం అందరినీ ఆశ్చర్యానికి గురిచేసింది. ఇందుకు సంబంధించిన వీడియో ప్రస్తుతం వైరల్‌గా మారింది.

ఈ వీడియోపై నెటిజన్లు భిన్నాభిప్రాయాలు వ్యక్తం చేస్తున్నారు. “ఆమె దేశం కోసం కాదు.. తన ఫిట్‌నెస్‌ కోసం పోరాడుతోంది” అంటూ కొందరు సరదాగా వ్యాఖ్యానిస్తున్నారు. మరికొందరు దీన్ని ఇంటర్నెట్‌లో కనిపించిన వింతైన ఫిట్‌నెస్‌ వీడియోగా అభివర్ణిస్తున్నారు. మరోవైపు, నిరసనలు, హింసాత్మక ఘటనలు జరుగుతున్న సమయంలో జాగింగ్‌ చేయడం అవసరమా? అంటూ కొందరు విమర్శిస్తున్నారు. అయితే, ఈ వీడియోకు సంబంధించిన ఖచ్చితమైన ప్రాంతం, ఘటన నేపథ్యంపై స్పష్టమైన సమాచారం అందుబాటులో లేదు.