ఆర్‌ఎస్‌ఎస్ నేపథ్యంతో తెరకెక్కిన ‘ఆఖరి సవాల్’కు యూఏఈలో నిషేధం?

సంజయ్ దత్, నమాషి చక్రవర్తి ప్రధాన పాత్రల్లో నటించిన ఆఖరి సవాల్ చిత్రానికి యునైటెడ్ అరబ్ ఎమిరేట్స్‌లో నిషేధం విధించినట్లు వార్తలు వెలువడుతున్నాయి. ఆర్‌ఎస్‌ఎస్‌కు సంబంధించిన అంశాలపై యూఏఈ సెన్సార్ బోర్డు పలు కట్స్ సూచించినప్పటికీ, చిత్రబృందం వాటిని అంగీకరించలేదని సమాచారం.

ఆర్‌ఎస్‌ఎస్‌ 100 ఏళ్ల చరిత్ర ఆధారంగా తెరకెక్కిన ఈ సినిమా విడుదలకు ముందే సోషల్ మీడియాలో చర్చనీయాంశమైంది. కొందరు దీనిని ప్రచార చిత్రం అంటూ విమర్శించగా, నమాషి చక్రవర్తి మాత్రం సినిమా చూడకుండా తీర్పు ఇవ్వొద్దని పేర్కొన్నారు. ఈ చిత్రం ప్రేక్షకులను స్వతంత్రంగా ఆలోచించేలా చేస్తుందని ఆయన తెలిపారు.