అనిరుధ్ – కావ్య పెళ్లి వేడుకకు ముహూర్తం ఫిక్స్?

సంగీత దర్శకుడు అనిరుధ్ రవిచందర్, సన్‌రైజర్స్ హైదరాబాద్ సీఈఓ, సన్ గ్రూప్ అధినేత కళానిధి మారన్ కుమార్తె కావ్య మారన్ వివాహంపై సినీ, వ్యాపార వర్గాల్లో ఆసక్తి పెరుగుతోంది. అందిన సమాచారం ప్రకారం, వీరి వివాహం నవంబర్ 11న గ్రీస్‌లో కుటుంబ సభ్యులు, అత్యంత సన్నిహితుల సమక్షంలో జరగనున్నట్లు ప్రచారం జరుగుతోంది. అయితే, వివాహ తేదీ, వేదికకు సంబంధించి ఇరు కుటుంబాల నుంచి ఇప్పటివరకు అధికారిక ప్రకటన వెలువడలేదు.

మరోవైపు, కళానిధి మారన్, ఆయన సతీమణి కావేరి మారన్ హైదరాబాద్‌కు వచ్చి జూబ్లీహిల్స్‌లోని నివాసంలో తెలంగాణ ముఖ్యమంత్రి రేవంత్ రెడ్డిని కలిసినట్లు సమాచారం. నవంబర్ 21న చెన్నైలో జరగనున్న కావ్య మారన్–అనిరుధ్ రవిచందర్ వివాహ రిసెప్షన్‌కు సీఎం రేవంత్ రెడ్డి దంపతులను ఆహ్వానించినట్లు తెలుస్తోంది. ఈ వార్తలతో వివాహంపై ఆసక్తి మరింత పెరిగినా, పూర్తి వివరాలపై అధికారిక స్పష్టత రావాల్సి ఉంది.