అల్లు అర్జున్ రాకా కోసం దీపిక రికార్డు రెమ్యూనరేషన్.. ఎన్ని కోట్లంటే?

ప్రస్తుతం భారతీయ సినీ పరిశ్రమలో అత్యంత చర్చనీయాంశంగా మారిన సినిమా “రాకా”. ఇందులో అల్లు అర్జున్ హీరోగా, అట్లీ దర్శకత్వంలో తెరకెక్కుతోంది. మొదటి పోస్టర్ విడుదలైనప్పటి నుంచే ఈ సినిమా దేశవ్యాప్తంగా భారీ స్పందన తెచ్చుకుంది. అల్లు అర్జున్ అర్ధమానవుడు అర్ధమృగంలా కనిపించిన లుక్ ప్రేక్షకుల్లో ఆసక్తిని పెంచింది. ఈ చిత్రం సాధారణ సినిమా కాకుండా డార్క్ సైన్స్ ఫిక్షన్ యాక్షన్ కథగా రూపొందుతోందని తెలుస్తోంది. ఈ సినిమాలో దీపికా పదుకొణె కీలక పాత్రలో కనిపించనుంది.

ఈ సినిమాను సన్ పిక్చర్స్ సంస్థ అధినేత కళానిధి మారన్ సుమారు ఎనిమిది వందల కోట్లకు పైగా వ్యయంతో నిర్మిస్తున్నారని సమాచారం. ప్యారలల్ ప్రపంచాలు, పునర్జన్మలు, పురాణ అంశాలను కలిపి ఒక కొత్త కథను రూపొందిస్తున్నారని సినీ వర్గాలు చెబుతున్నాయి. అల్లు అర్జున్ ఈ సినిమాలో రెండు లేదా మూడు పాత్రల్లో కనిపించే అవకాశముందని వార్తలు వస్తున్నాయి. ముఖ్యంగా దీపికా పదుకొణె ఈ సినిమా కోసం దాదాపు ఇరవై ఐదు కోట్ల పారితోషికం తీసుకుంటున్నట్లు ప్రచారం జరుగుతోంది.

ఇటీవల ఆమె పారితోషికం మరియు పని సమయాలపై వచ్చిన వివాదాలున్నప్పటికీ, ఈ సినిమా కోసం ఆమె నిబంధనలను అంగీకరించడం ఆమెకు ఉన్న డిమాండ్‌ను చూపిస్తోంది. ఇక అల్లు అర్జున్ కూడా ఈ సినిమా కోసం భారీ పారితోషికంతో పాటు లాభాల్లో వాటా తీసుకుంటున్నారని సమాచారం. అలాగే రష్మిక మందన్న కూడా ముఖ్య పాత్రలో కనిపించనుంది. అంతర్జాతీయ స్థాయి సాంకేతిక బృందం, అధునాతన దృశ్య ప్రభావాలతో ఈ సినిమా భారతీయ సినిమాకు కొత్త స్థాయిని తీసుకెళ్లేలా ఉండబోతోంది. ఈ చిత్రం వచ్చే ఏడాది వేసవిలో విడుదల కావచ్చని అంచనా.