ఐమ్ గేమ్ రిలీజ్‌పై చివరి నిమిషంలో టెన్షన్.. రేపు షోలు పడతాయా?

మలయాళ యువ స్టార్ హీరో దుల్కర్ సల్మాన్ నటించిన మోస్ట్ అవైటెడ్ మూవీ ఐమ్ గేమ్ సెప్టెంబర్ 3న పాన్ ఇండియా స్థాయిలో గ్రాండ్ రిలీజ్‌కు సిద్ధమైంది. నహాస్ హైదయత్ దర్శకత్వంలో తెరకెక్కిన ఈ గ్యాంబ్లర్ థ్రిల్లర్ ఇప్పటికే ఆలస్యాన్ని ఎదుర్కొంది. ఎట్టకేలకు రిలీజ్ డేట్ ఖరారైన నేపథ్యంలో ప్రేక్షకులు, అభిమానులు ఆసక్తిగా ఎదురుచూస్తుండగా.. చివరి నిమిషంలో వినిపిస్తున్న వార్తలు ఇప్పుడు టెన్షన్ పెంచుతున్నాయి.

ఐమ్ గేమ్‌కు సంబంధించిన ఫస్టాఫ్ కంటెంట్ అందినప్పటికీ, సెకండాఫ్ కంటెంట్ తెలుగు సహా కొన్ని భాషల్లో ఇంకా డెలివరీ కాలేదనే ప్రచారం జరుగుతోంది. దీంతో సెప్టెంబర్ 3 ఉదయం షోలు అనుకున్న సమయానికి ప్రారంభమవుతాయా లేదా అనే సందేహాలు నెలకొన్నాయి. దీనిపై మేకర్స్ లేదా డిస్ట్రిబ్యూషన్ వర్గాల నుంచి అధికారిక క్లారిటీ రావాల్సి ఉంది. జేక్స్ బిజొయ్ సంగీతం అందించిన ఈ చిత్రాన్ని దుల్కర్ సల్మాన్, జామ్ వర్గీస్ నిర్మించారు.