‘విశ్వంభర’ రిలీజ్ ఫైనల్ డేట్ ఇదేనా?

మెగాస్టార్ చిరంజీవి నటిస్తున్న ‘విశ్వంభర’ సినిమా భారీ VFX పనుల కారణంగా ఇప్పటికే పలు సార్లు వాయిదా పడుతూ వస్తోంది. వశిష్ఠ దర్శకత్వంలో తెరకెక్కుతున్న ఈ సోషల్ ఫాంటసీ చిత్రానికి సంబంధించిన పోస్ట్ ప్రొడక్షన్ పనులు ఇంకా కొనసాగుతున్నాయి. విజువల్ ఎఫెక్ట్స్ పూర్తిగా సంతృప్తికరంగా వచ్చాకే రిలీజ్ డేట్ ప్రకటించాలని మేకర్స్ భావిస్తున్నారు.

తాజా సమాచారం ప్రకారం, ఈ సినిమాను దసరా సందర్భంగా అక్టోబర్ 16న ప్రేక్షకుల ముందుకు తీసుకురావాలని ప్లాన్ చేస్తున్నారు. యూవీ క్రియేషన్స్ బ్యానర్‌పై రూపొందుతున్న ఈ చిత్రంపై ఇప్పటికే భారీ అంచనాలు నెలకొన్నాయి. చిరంజీవి క్రేజ్, ఫాంటసీ కాన్సెప్ట్ కలిసిన ఈ సినిమా ఈ ఏడాది పెద్ద పండుగ రిలీజ్‌లలో ఒకటిగా నిలవనుంది.