మైసా విడుదల వాయిదా?

నటి రష్మిక మందన్న ప్రధాన పాత్రలో నటిస్తున్న ‘మైసా’ సినిమా విడుదల వాయిదా పడే అవకాశముందని సినీ వర్గాల్లో ప్రచారం జరుగుతోంది. తొలుత నవంబర్ 27న ప్రేక్షకుల ముందుకు తీసుకురావాలని భావించిన ఈ చిత్రాన్ని, 2027 జనవరి చివరి వారానికి వాయిదా వేయాలని చిత్రబృందం ఆలోచిస్తున్నట్లు సమాచారం. వరుసగా సినిమాలు విడుదలవుతున్న నేపథ్యంలో, బాక్సాఫీస్ వద్ద పోటీని దృష్టిలో ఉంచుకుని ఈ నిర్ణయం తీసుకునే అవకాశం ఉందని టాక్ వినిపిస్తోంది. అయితే, విడుదల తేదీ మార్పుపై చిత్ర నిర్మాణ సంస్థ నుంచి ఎలాంటి అధికారిక ప్రకటన వెలువడలేదు.

నూతన దర్శకుడు రవీంద్ర పుల్లె తెరకెక్కిస్తున్న ‘మైసా’లో రష్మిక గోండ్ గిరిజన మహిళగా కనిపించనున్నట్లు సమాచారం. ఈ చిత్రంలో ఆమె శక్తివంతమైన పాత్రతో పాటు యాక్షన్ సన్నివేశాల్లోనూ ప్రత్యేకంగా కనిపించనున్నారని ప్రచారం జరుగుతోంది. ఇప్పటికే ఈ సినిమాపై ప్రేక్షకుల్లో ఆసక్తి నెలకొనగా, విడుదల తేదీ మార్పు వార్తలు మరింత చర్చకు దారితీశాయి. అయితే, సినిమా నిజంగానే వాయిదా పడుతుందా లేదా అనుకున్న తేదీకే విడుదలవుతుందా అనేది చిత్రబృందం అధికారిక ప్రకటన తర్వాతే స్పష్టత రానుంది.