NBK 111కు భారీ ఓటీటీ డీల్?

నందమూరి బాలకృష్ణ కథానాయకుడిగా దర్శకుడు గోపీచంద్ మలినేని తెరకెక్కిస్తున్న "NBK 111"పై అభిమానుల్లో భారీ అంచనాలు నెలకొన్నాయి. బాలయ్య కెరీర్‌లో 111వ చిత్రంగా రూపొందుతున్న ఈ ప్రాజెక్ట్ ఇప్పటికే సినీ వర్గాల్లో హాట్ టాపిక్‌గా మారింది. ప్రస్తుతం చిత్రీకరణ వేగంగా సాగుతుండగా, సినిమా డిజిటల్ హక్కులకు సంబంధించి ఆసక్తికరమైన వార్తలు వినిపిస్తున్నాయి. ప్రముఖ ఓటీటీ సంస్థలు ఈ చిత్ర హక్కులను సొంతం చేసుకునేందుకు పోటీపడుతున్నట్లు ఇండస్ట్రీలో చర్చ జరుగుతోంది.

ఇప్పటి వరకు బాలయ్య సినిమాల డిజిటల్ హక్కులను ప్రధానంగా హాట్స్టార్ , నెట్ఫ్లిక్స్ వంటి సంస్థలు దక్కించుకున్న నేపథ్యంలో, ఈసారి జీ5 రంగంలోకి దిగినట్లు ప్రచారం జరుగుతోంది. భారీ మొత్తంతో ఈ చిత్రానికి ఫ్యాన్సీ ఆఫర్ ఇచ్చేందుకు సంస్థ సిద్ధమైందని సమాచారం. ఈ ఒప్పందం విలువ 50 కోట్లకు తక్కువ ఉండకపోవచ్చనే టాక్ కూడా వినిపిస్తోంది. అయితే దీనిపై అధికారిక ప్రకటన వెలువడాల్సి ఉంది. థమన్ సంగీతం అందిస్తున్న ఈ చిత్రంలో కాజల్ అగర్వాల్ కీలకమైన పాత్రలో కనిపించనుండగా, వృద్ధి సినిమాస్ నిర్మాణ బాధ్యతలు చేపట్టింది.