రామ్ చరణ్‌కు మరో లగ్జరీ ఫామ్‌హౌస్

టాలీవుడ్ స్టార్ హీరో రామ్ చరణ్ మరో లగ్జరీ ఫామ్‌హౌస్‌ను సిద్ధం చేసుకున్నట్లు సమాచారం. కొన్నేళ్ల క్రితం చేవెళ్ల-మొకిల పరిసర ప్రాంతాల్లో సుమారు ఐదు ఎకరాల ప్రైమ్ ల్యాండ్‌ను కొనుగోలు చేసిన ఆయన, అక్కడ అత్యాధునిక సౌకర్యాలతో పాటు ప్రకృతి మధ్య ప్రశాంత వాతావరణాన్ని ఆస్వాదించేలా విలాసవంతమైన ఫామ్‌హౌస్‌ను నిర్మించినట్లు తెలుస్తోంది.

ఈ భూమిలో కొంత భాగాన్ని ఆర్గానిక్ ఫార్మింగ్ కోసం కేటాయించినట్లు సమాచారం. వీకెండ్స్‌లో కుటుంబ సభ్యులతో కలిసి ఈ ఫామ్‌హౌస్‌లో సమయం గడపాలని రామ్ చరణ్ దంపతులు భావిస్తున్నట్లు సినీ వర్గాల్లో చర్చ జరుగుతోంది.