రామ్ చరణ్–సుకుమార్ సినిమా ప్రారంభోత్సవం వాయిదా?

మెగా పవర్ స్టార్ రామ్ చరణ్, దర్శకుడు సుకుమార్ కాంబినేషన్‌లో తెరకెక్కనున్న కొత్త సినిమా పూజా కార్యక్రమం రేపు జరగాల్సి ఉండగా, అది వాయిదా పడినట్లు సోషల్ మీడియాలో ప్రచారం జరుగుతోంది. ఈ సినిమా ప్రారంభోత్సవాన్ని అక్టోబర్ 25 తర్వాత నిర్వహించే అవకాశం ఉందని సమాచారం. ప్రాజెక్టును శుభ ముహూర్తంలో ప్రారంభించేందుకు చిత్ర బృందం అనువైన తేదీ, సమయం కోసం చూస్తున్నట్లు తెలుస్తోంది. అయితే, ఈ విషయంపై చిత్ర యూనిట్ నుంచి అధికారిక ప్రకటన వెలువడలేదు.

ఈ సినిమాకు ప్రముఖ సంగీత దర్శకుడు అనిరుధ్ రవిచందర్ సంగీతం అందించనున్నట్లు వార్తలు వస్తుండగా, కథానాయికగా సారా అర్జున్ పేరు ప్రముఖంగా వినిపిస్తోంది. మైత్రీ మూవీ మేకర్స్ ఈ చిత్రాన్ని నిర్మించనుంది. తాత్కాలికంగా ఆర్‌సీ 17గా పిలుస్తున్న ఈ ప్రాజెక్టులో రామ్ చరణ్, సుకుమార్ మరోసారి కలిసి పనిచేయనుండటంతో అభిమానుల్లో భారీ అంచనాలు నెలకొన్నాయి.