రామ్ సినిమా వెనక్కి తగ్గదట?

రామ్ పోతినేని హీరోగా, స్వయంగా దర్శకత్వం వహిస్తున్న కొత్త సినిమాపై సినీ వర్గాల్లో ఆసక్తికరమైన చర్చ జరుగుతోంది. ‘ఆంధ్ర కింగ్ తాలూకా’ ఆశించిన స్థాయిలో విజయం సాధించకపోవడంతో, ఈసారి ఎలాగైనా బలమైన విజయాన్ని అందుకోవాలని రామ్ పట్టుదలగా ఉన్నట్లు తెలుస్తోంది. ఈ నేపథ్యంలో తన దర్శకత్వంలో తెరకెక్కుతున్న చిత్రాన్ని ఈ ఏడాది డిసెంబర్‌లో విడుదల చేయనున్నట్లు ఇప్పటికే ప్రకటించారు. అయితే అదే సమయంలో బాలకృష్ణ, నాగార్జున నటిస్తున్న సినిమాలతో పాటు మరికొన్ని క్రేజీ ప్రాజెక్టులు కూడా డిసెంబర్ బరిలో నిలిచే అవకాశం ఉంది.

అయినప్పటికీ తన సినిమా విడుదల విషయంలో రామ్ పోతినేని వెనక్కి తగ్గే ఆలోచనలో లేడని సినీ వర్గాల్లో ప్రచారం జరుగుతోంది. దీంతో డిసెంబర్ చివరి వారంలో బాక్సాఫీస్ వద్ద గట్టి పోటీ నెలకొనే అవకాశాలు కనిపిస్తున్నాయి. ఈ చిత్రానికి ‘ఏక – ది లోన్ వూల్ఫ్’ అనే టైటిల్‌ను పరిశీలిస్తున్నట్లు ఇప్పటికే వార్తలు వచ్చాయి. అయితే దీనిపై అధికారిక ప్రకటన రావాల్సి ఉంది. సినిమా కథ, నటీనటులు, సాంకేతిక నిపుణులకు సంబంధించిన వివరాలు త్వరలో వెల్లడయ్యే అవకాశం ఉంది.