శింబు STR-51లో ఇద్దరు భామలు?

కోలీవుడ్ స్టార్ హీరో శింబు ప్రస్తుతం వరుస క్రేజీ ప్రాజెక్టులతో బిజీగా ఉన్నారు. స్టార్ డైరెక్టర్ వెట్రిమారన్ దర్శకత్వంలో తెరకెక్కుతున్న అరసన్ చిత్రంలో శింబు నటిస్తున్నారు. ప్రియాంక మోహన్, ఆండ్రియా జెర్మియా, సముద్రఖని, విజయ్ సేతుపతి కీలక పాత్రల్లో నటిస్తున్న ఈ భారీ యాక్షన్ డ్రామాను ఈ ఏడాది దీపావళి సందర్భంగా విడుదల చేసేందుకు మేకర్స్ సన్నాహాలు చేస్తున్నట్లు సమాచారం. ఈ సినిమా పూర్తికాకముందే శింబు తన తదుపరి చిత్రాన్ని కూడా సిద్ధం చేసుకున్నారు.

ఓ మై కడవులే, డ్రాగన్ చిత్రాల దర్శకుడు అశ్వత్ మారిముత్తు దర్శకత్వంలో STR-51 వర్కింగ్ టైటిల్‌తో శింబు తదుపరి సినిమా తెరకెక్కనుంది. ఇప్పటికే స్క్రిప్ట్ వర్క్ పూర్తయిన ఈ చిత్రం వచ్చే ఏడాది ప్రారంభంలో సెట్స్‌పైకి వెళ్లనున్నట్లు తెలుస్తోంది. తాజాగా ఈ ప్రాజెక్ట్‌కు సంబంధించి ఆసక్తికరమైన వార్త సోషల్ మీడియాలో వైరల్ అవుతోంది. టాలీవుడ్ యంగ్ బ్యూటీ, మాజీ మిస్ యూనివర్స్ ఇండియా మానస వారణాసి ఈ సినిమాలో శింబు సరసన హీరోయిన్‌గా నటించనున్నట్లు టాక్ వినిపిస్తోంది. అలాగే రియా శింబు కూడా ఓ కీలక పాత్రలో కనిపించనున్నారని ప్రచారం జరుగుతోంది. అయితే ఈ విషయాలపై మేకర్స్ నుంచి అధికారిక ప్రకటన రావాల్సి ఉంది.