కంగనాతో పెట్టుకున్న ట్రోలర్.. దిమ్మతిరిగేలా జవాబు!

జన్మాష్టమి సందర్భంగా మనాలీలోని తన ఇంట్లో ప్రత్యేక భోగ్‌ తయారు చేస్తున్న వీడియోను సినీనటి, బీజేపీ ఎంపీ కంగనా రనౌత్ సోషల్ మీడియాలో పంచుకున్నారు. అయితే, ఆమె వంట చేస్తున్న సమయంలో గ్యాస్ స్టవ్ వెలిగించలేదంటూ ఓ నెటిజన్ చేసిన వ్యాఖ్యకు కంగనా ఘాటుగా స్పందించారు. అది హల్వా కాదని, భోగ్ తయారీలో వివిధ పదార్థాలను విడివిడిగా సిద్ధం చేసి, చివరి దశలో అన్నింటినీ కలుపుతారని స్పష్టం చేశారు. వంట గురించి అవగాహన లేని వారు తినడంపైనే దృష్టి పెట్టాలని వ్యంగ్యంగా సమాధానం ఇచ్చారు.

ఇటీవల కంగనా చేసిన కొన్ని వ్యాఖ్యలు కూడా వివాదాస్పదంగా మారాయి. యువ హిందూ మహిళలపై ఆమె చేసిన వ్యాఖ్యలను యోగా గురువు స్వామి రామ్‌దేవ్ విమర్శించగా, ఇద్దరి మధ్య బహిరంగంగా మాటల యుద్ధం నడిచింది. అయితే రాఖీ సందర్భంగా ఈ వివాదానికి ముగింపు పలికారు. రామ్‌దేవ్‌తో విభేదాలను పక్కనపెట్టి, ఆయన పంపిన స్వీట్లను, అన్న ప్రేమను స్వీకరిస్తున్నట్లు కంగనా పేర్కొన్నారు. గతంలో నటి కృతి సనన్ ఓ ప్రకటనపై కూడా కంగనా విమర్శలు చేసిన విషయం తెలిసిందే.